വർഗീയ അജണ്ട കേരളത്തിൽ അനുവദിക്കില്ല -പി.ജെ ജോസഫ്.
കോട്ടയം.– വിദ്യാഭ്യാസ രംഗത്ത് ആർ.എസ്.എസ് അജണ്ട നടപ്പാക്കാൻ മതേതര കേരളം അനുവദിക്കില്ലെന്ന് കേരളാ കോൺഗ്രസ് ചെയർമാൻ പി.ജെ ജോസഫ്.
സംസ്ഥാനകമ്മിറ്റിയുടെ ആഭിമുഖ്യത്തിൽ തിരുനക്കര ബസ് സ്റ്റാന്റ് മൈതാനിയിൽ ചേർന്ന ബഹുജന സംഗമം ഉദ്ഘാടനം ചെയ്യുകയായിരുന്നു അദ്ദേഹം. പി.എം ശ്രീ പദ്ധതി നടപ്പാക്കാൻ മന്ത്രിസഭയിലൊ ഇടതു മുന്നണിയിലൊ ആലോചിക്കാതെ തീരുമാനമെടുത്തത് ദുരൂഹമാണ്. ഘടക കക്ഷി മന്ത്രിമാരെ ഇരുട്ടിൽ നിർത്തി വിദ്യാഭ്യാസ രംഗത്തെ വർഗീയവൽക്കരിക്കുന്നതിൽ സി.പി.ഐ പ്രകടിപ്പിച്ച ആശങ്ക ഗൗരവതരമാണ്. ഇടതുമുന്നണിയിൽ ജോസ് കെ മാണി വിഭാഗം മാത്രമാണ് പി.എം ശ്രീ പദ്ധതിയെപ്പറ്റി പഠിക്കാതെ സ്വാഗതം ചെയ്തത്. വന്യജീവി ശല്യം, പട്ടയ പ്രശ്നങ്ങൾ, കാർഷിക മേഖലയുടെ തകർച്ച , ശമ്പളമില്ലാത്ത അധ്യാപകരുടെ വിഷയം ഉൾപ്പെടെയുള്ള കാര്യങ്ങളിൽ ഇടതു സർക്കാർ വൻ പരാജയമാണ്. ഇടതു സർക്കാരിന്റ ജനവിരുദ്ധ നയങ്ങൾക്കും ശബരിമലയിലെ സ്വർണ്ണക്കൊള്ള ഉൾപ്പെടെയുളള അഴിമതി ഭരണത്തിനുമെതിരെ തദ്ദേശ സ്വയം ഭരണ സ്ഥാപന തെരഞ്ഞെടുപ്പിൽ ജനങ്ങളുടെ പ്രതിഷേധം പ്രതിഫലിക്കുമെന്ന് പി.ജെ ജോസഫ് പറഞ്ഞു. ബഹുജന സംഗമത്തിൽ പാർട്ടി വർക്കിംഗ് ചെയർമാൻ പി. സി തോമസ് അദ്ധ്യക്ഷത വഹിച്ചു. എക്സിക്യൂട്ടീവ് ചെയർമാൻ മോൻസ് ജോസഫ് എം.എൽ.എ മുഖ്യപ്രഭാഷണം നടത്തി. സെക്രട്ടറി ജനറൽ ജോയി എബ്രാഹം, ഡപ്യൂട്ടി ചെയർമാൻമാരായ ഷെവ.ടി.യു കുരുവിള, ഫ്രാൻസിസ് ജോർജ് എം.പി., തോമസ് ഉണ്ണിയാടൻ, യു.ഡി.എഫ് ജില്ലാ ചെയർമാൻ ഇ ജെ ആഗസ്തി, ജോസഫ് എം. പുതുശ്ശേരി, ജോൺ കെ.മാത്യൂസ്, എം.പി ജോസഫ്, കൊട്ടാരക്കര പൊന്നച്ചൻ, എബ്രാഹം കലമണ്ണിൽ, പ്രൊഫ.ഡി.കെ ജോൺ , കെ .എ ഫിലിപ്പ്,, അഹമ്മദ് തോട്ടത്തിൽ, സി. മോഹനൻ പിള്ള , കെ.എഫ് വർഗീസ്, കോട്ടയം ജില്ലാ പ്രസിഡന്റ് ജയ്സൺ ജോസഫ് ഒഴുകയിൽ, പ്രൊഫ. ഷീല സ്റ്റീഫൻ, കെ.വി കണ്ണൻ, , വർഗീസ് വെട്ടിയാങ്കൻ, റോയി ഉമ്മൻ, ചെറിയാൻ ചാക്കോ , ജോൺസ് കുന്നപ്പള്ളി, പ്രൊഫ.എം.ജെ ജേക്കബ്.,മാത്യു ജോർജ്, ജേക്കബ് എബ്രാഹം, വർഗീസ് മാമ്മൻ , സി.വി.കുര്യാക്കോസ്, പി.എം.ജോർജ്, ജോസഫ് കളപ്പുര, റോജസ് സെബാസ്റ്റ്യൻ ,േ ജോണി ചെക്കിട്ട , മാഞ്ഞൂർ മോഹൻ കുമാർ, കുഞ്ഞു കോശി പോൾ , തോമസ് കണ്ണന്തറ, ജോർജ് കുന്നപ്പുഴ , വി. ജെ ലാലി, എ.കെ ജോസഫ്,, ബിനു ചെങ്ങളം, അജി.കെ. ജോസ്, എന്നിവർ പ്രസംഗിച്ചു.
