രാമപുരത്ത് ശക്തമായ കാറ്റിലും മഴയിലും വൻമരം കടപുഴകി വീണു; ആളപായമില്ല

ശക്തമായ കൊടുങ്കാറ്റിലും പേമാരിയിലും വൻമരം കടപുഴകി വീണു. രാമപുരം ബോയിസ് സ്കൂളിന് മുൻപിലാണ് സംഭവം. റോഡിലേക്ക് മരം വീണതിനെ തുടർന്ന് ഈ വഴിയിലുള്ള ഗതാഗതം തടസ്സപ്പെട്ടു.
റോഡരികിലുണ്ടായിരുന്ന പെട്ടിക്കടകൾക്കും നിർത്തിയിട്ടിരുന്ന വാഹനങ്ങൾക്കും മുകളിൽ കൂടിയാണ് മരം വീണത്. ഇതിനാൽ വാഹനങ്ങൾക്കും ചില കടകൾക്കും നിസാര കേടുപാടുകൾ സംഭവിച്ചു. എന്നാൽ, ഭാഗ്യവശാൽ അപകടത്തിൽ ആർക്കും പരിക്കേൽക്കുകയോ ആളപായം ഉണ്ടാവുകയോ ചെയ്തിട്ടില്ല.
ശക്തമായ മഴയും കാറ്റും തുടരുന്നതിനാൽ പ്രദേശത്ത് ജാഗ്രത പാലിക്കാൻ അധികൃതർ നിർദ്ദേശം നൽകിയിട്ടുണ്ട്. റോഡിലേക്ക് വീണ മരം മുറിച്ചുമാറ്റി ഗതാഗതം എത്രയും വേഗം പുനഃസ്ഥാപിക്കാനുള്ള നടപടികൾ പുരോഗമിക്കുകയാണ്.