പൂഞ്ഞാർ എംഎൽഎയുടെ സ്വപ്ന പദ്ധതിയായ ഫ്യൂച്ചർ സ്റ്റാർ പദ്ധതി സമാപിച്ചു
കാഞ്ഞിരപ്പള്ളി : പൂഞ്ഞാർ നിയമസഭാ മണ്ഡലത്തിന്റെ പരിധിയിലുള്ള ഹൈസ്കൂൾ ,ഹയർ സെക്കന്ററി , വൊക്കേഷണൽ ഹയർ സെക്കന്ററി സ്കൂളുകളിൽ പഠിക്കുന്ന വിദ്യാർത്ഥികളുടെ വിദ്യാഭ്യാസ ഗുണമേന്മ വർധിപ്പിക്കുക, ബഹുമുഖ പ്രതിഭകളെ കണ്ടെത്തി പ്രോത്സാഹിപ്പിക്കുക എന്നീ ലക്ഷ്യങ്ങൾ മുൻനിർത്തി അഡ്വ. സെബാസ്റ്റ്യൻ കുളത്തുങ്കൽ എം.എൽ എ യുടെ നേതൃത്വത്തിലുള്ള എം എൽ എ സർവീസ് ആർമി നടപ്പിലാക്കുന്ന “ഫ്യൂച്ചർ സ്റ്റാർസ് “വിദ്യാഭ്യാസ ഗുണമേന്മ പദ്ധതിയുടെ ഈ അധ്യയന വർഷത്തെ സമാപനം അമൽജ്യോതി കോളജിൽ നടന്നു. നിയോജക മണ്ഡലത്തിലെ 55 സ്കൂളുകളിൽ നിന്നായി 210 വിദ്യാർത്ഥികൾ ഈ പദ്ധതിയിൽ ഇതിനോടകം പരിശീലനം നേടികഴിഞ്ഞു.
വിശ്വ സഞ്ചാരിയും, സഫാരി ചാനൽ മാനേജിംഗ് ഡയറക്ടറുമായ സന്തോഷ് ജോർജ് കുളങ്ങര ഉദ്ഘാടനം ചെയ്തു. എംഎൽഎ അധ്യക്ഷത വഹിച്ചു. പ്രശസ്ത ഹാസ്യ താരം ഗിന്നസ് പക്രു മുഖ്യ പ്രഭാഷണം നടത്തി. അമൽജ്യോതി എൻജി നീയറിങ് കോളജ് പ്രിൻസിപ്പൽ ഡോ. ലില്ലിക്കുട്ടി ജേക്കബ്, ഫാ. സെബാ സിജു പുല്ലസ്ലായിൽ, സെന്റ് മേരീസ് സറബ്ബർസ് മാനേജിങ് ഡയറക്ടർ സണ്ണി ജേക്കബ് ഇടയ്ക്കാട്ട്, ഫ്യൂച്ചർ സ്റ്റാർ ഡയറക്ടർ ഡോ. ആൻസി ജോസഫ്, പ്രഫ. ടോമി ചെറിയാൻ, ഡോ. മാത്യു കണമല, അഭിലാഷ് ജോസഫ് എന്നിവർ പ്രസംഗിച്ചു.
പരിശീലന പരിപാടിയിൽ മികച്ച പ്രകടനം കാഴ്ചവച്ച തെരേസ സജി (സെ ആന്റണീസ് എച്ച്എസ്എസ് വെള്ളിക്കുളം), ശ്രീഹരി എസ് നായർ (സെന്റ് ആന്റണീസ് എച്ച്എ ജേതാവ് അബീഷ്, സെന്റ് മേരീസ്എസ് പൂഞ്ഞാർ), ആദിത്യ ബൈജു (മരിയ ഗൊരെത്തി എച്ച്എസ്എസ് ചേന്നാട്) ഏയ്ഞ്ചൽ റോസ് അലക്സ് സെന്റ് മേരീസ് എച്ച്എസ്എസ് തീക്കോയി), അഞ്ജന പ്രസാദ് ( സാന്തോം എച്ച്എസ്എസ് കണ മല) എന്നീ കുട്ടികൾക്ക് അവാർ ഡുകൾ നൽകി.
നിയോജക മണ്ഡലത്തിലെ 55 സ്കൂളുകളിൽ നിന്നായി 210 വിദ്യാർത്ഥികൾ ഈ പദ്ധതിയിൽ പരിശീലനം നേടി.2021 ജനുവരി 21 ന് സംസ്ഥാന വിദ്യാഭ്യാസ വകുപ്പു മന്ത്രി വി ശിവൻകുട്ടി ഉൽഘാടനം ചെയത പരിപാടിയിൽ ഓറിയന്റേഷൻ ക്ലാസുകൾ, കരിയർ ഗൈഡൻസ്, ശാസ്ത്രവബോധ ക്ലാസുകൾ, പ്രസംഗ-ക്വിസ് മത്സരങ്ങൾ, വിദഗ്ദരുമായുള്ള അഭിമുഖം ,ഇൻസ്റ്റിറ്റ്യൂഷൻ വിസിറ്റ് തുടങ്ങി ഓൺ ലൈനും ഓഫ് ലൈനുമായി നടന്ന വൈവിധ്യമാർന്ന ഇരുപതിലേറെ പരിപാടികളിലൂടെ വിദ്യാർത്ഥികൾക്ക് ദിശാബോധം നല്കുവാൻ സാധിച്ചു.പൊതു വിദ്യാഭ്യാസ ഡയറക്ടർ ഡോ. ജീവൻ ബാബു ഐ എ എസ്, കോട്ടയം ജില്ലാ കളക്ടർ ഡോ. പി കെ ജയശ്രി ഐ എ എസ്,പത്തനംതിട്ട ജില്ലാ കളക്ടർ ദിവ്യ എസ് അയ്യർ ഐ എ എസ്, വിദ്യാഭ്യാസ വിചക്ഷണരായ ഡോ ആൻസി ജോസഫ്, ഡോ. സീമോൻ തോമസ്, ഡോ .മാത്യു കണമല, പ്രൊഫ. ടോമി ചെറിയാൻ,അനീഷ് മോഹൻ, ജോമി പി.എൽ , റാഷിദ് ഗസാലി, എഡിസൺ ഫ്രാൻസ്,ജോർജ് കരുണക്കൽ, അഭിലാഷ് ജോസഫ്, ജസ്റ്റിൻ തോമസ് എന്നിവർ വിവിധ വിഷയങ്ങളിൽ വിദ്യാർത്ഥികളുമായി സംവദിച്ചു
ഫ്യുച്ചർ സ്റ്റാർസ് ഡയറക്ടർ ഡോ ആൻസി ജോസഫ്, എക്സിക്യൂട്ടിവ് കമ്മറ്റി അംഗങ്ങളായ അഭിലാഷ് ജോസഫ്, ഡോ.മാത്യു കണമല, നോബി ഡോമിനിക് ,ആർ.ധർമ്മകീർത്തി, രാജേഷ് എം.പി ,ജോബിൻ സ്കറിയ ,ഡോമിനിക് കല്ലാടൻ,നിയാസ് എം എച്ച്, പി എ ഇബ്രാഹിം കുട്ടി എന്നിവർ നേതൃത്വം നല്കുന്നു.കുട്ടികൾക്കൊപ്പം അവരെ നയിക്കുന്ന മെന്റർമാരായ അദ്ധ്യാപകർ, മാതാപിതാക്കൾ എന്നിവർക്കും ഓറിയന്റേഷൻ ഉൾപ്പടെയുള്ള ഈ സമഗ്രവിദ്യാഭ്യാസ പരിശിലന പരിപാടി വരും വർഷങ്ങളിലും കൂടുതൽ വിദ്യാർത്ഥികളെ ഉൾപ്പെടുത്തി തുടരുമെന്ന് എം എൽ എ അറിയിച്ചു.
