കേരള കോൺഗ്രസ് നേതാവ് പ്രിൻസ് ലൂക്കോസ് അന്തരിച്ചു

കേരള കോൺഗ്രസ് (ജോസഫ്) ഉന്നതാധികാര സമിതി അംഗവും, മുൻ യു.ഡി.എഫ്. സ്ഥാനാർത്ഥിയുമായ പ്രിൻസ് ലൂക്കോസ് (51) അന്തരിച്ചു.കുടുംബത്തോടൊപ്പം വേളാങ്കണ്ണിയിലേക്കുള്ള യാത്രയ്ക്കിടെ ട്രെയിനിൽ അദ്ദേഹത്തിന് ഹൃദയാഘാതം സംഭവിച്ചു. തെങ്കാശിക്കടുത്ത് ആണ് സംഭവം ഉണ്ടായതും, അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല

കോട്ടയം പെരുമ്പായിക്കാട് സ്വദേശിയായ അദ്ദേഹം, പ്രമുഖ കോൺഗ്രസ് നേതാവ് ഒവി ലൂക്കോസിന്റെ മകനാണ്. യൂത്ത് ഫ്രണ്ട്, കെ.എസ്.സി. തുടങ്ങിയ സംഘടനകളുടെ സംസ്ഥാന അധ്യക്ഷനായും പ്രവർത്തിച്ചിരുന്നു. കഴിഞ്ഞ നിയമസഭാ തിരഞ്ഞെടുപ്പിൽ എറ്റുമാനൂർ മണ്ഡലത്തിൽ യുഡിഎഫ് സ്ഥാനാർത്ഥിയായും മത്സരിച്ചിരുന്നു