എൽഡിഎഫ് നെ സഹായിക്കാൻ പോയ വിമതയെ കോൺഗ്രസ് പാർട്ടി പുറത്താക്കി
പാല: തദ്ദേശ തിരഞ്ഞെടുപ്പിൽ യു.ഡി.എഫ് ഔദ്യോഗിക സ്ഥാനാർത്ഥികൾക്കെതിരെ വിമതരായി മത്സരിക്കുകയും പ്രവർത്തിക്കുകയും ചെയ്തവർക്കെതിരെ കോൺഗ്രസിൽ അച്ചടക്ക നടപടി. കരൂർ പഞ്ചായത്തിൽ വിമതയായി മത്സരിക്കുന്ന മുൻ പഞ്ചായത്തംഗം സ്മിതാ ഗോപാലകൃഷ്ണനെ കോൺഗ്രസിൽ നിന്നും പുറത്താക്കിയതായി കോട്ടയം ഡി.സി.സി അറിയിച്ചു.
കരൂരിലെ തർക്കങ്ങൾ ഇങ്ങനെ:
കഴിഞ്ഞ തവണ അന്തീനാട് ഈസ്റ്റ് വാർഡിൽ കോൺഗ്രസ് സ്ഥാനാർത്ഥിയായി കൈപ്പത്തി ചിഹ്നത്തിൽ മത്സരിച്ച വ്യക്തിയാണ് സ്മിതാ ഗോപാലകൃഷ്ണൻ. ഇത്തവണ ഈ സീറ്റ് ജനറൽ ആയതോടെ, കോൺഗ്രസ് കരൂർ മണ്ഡലം പ്രസിഡന്റ് പയസ് മാണിക്കെതിരെ സ്മിത വിമതയായി രംഗപ്രവേശനം ചെയ്യുകയായിരുന്നു. സ്മിതയ്ക്ക് ബ്ലോക്ക് പഞ്ചായത്ത് സീറ്റ് വാഗ്ദാനം ചെയ്തിരുന്നുവെങ്കിലും, അത് നിരസിച്ചാണ് അവർ വിമതയായി മത്സരിക്കുന്നതെന്ന് കോൺഗ്രസ് വൃത്തങ്ങൾ വ്യക്തമാക്കുന്നു.
സ്മിതയോടൊപ്പം അവരെ പിന്തുണയ്ക്കുന്ന ബിനോ ജെ. ചൂരനോലിയെയും പാർട്ടിയിൽ നിന്നും പുറത്താക്കിയിട്ടുണ്ട്. കരൂർ കോൺഗ്രസിലെ ഗ്രൂപ്പ് പോരാണ് വിമത നീക്കത്തിന് പിന്നിലെന്ന് സൂചനയുണ്ട്. മുൻ മണ്ഡലം പ്രസിഡന്റ് സന്തോഷ് കുര്യത്തും, ബ്ലോക്ക് പ്രസിഡന്റ് സുരേഷ് നടുവിലേടത്തും നേതൃത്വം നൽകുന്ന രണ്ട് ഗ്രൂപ്പുകളാണ് ഇവിടെ സജീവമായുള്ളത്. ഇതിൽ സ്മിത, സന്തോഷ് കുര്യത്തിന്റെ പക്ഷത്തും; ഔദ്യോഗിക സ്ഥാനാർത്ഥിയായ പയസ് മാണി, സുരേഷ് നടുവിലേടത്തിന്റെ പക്ഷത്തുമാണ് നിലയുറപ്പിച്ചിരിക്കുന്നത്.
പാലാ ടൗണിലും നടപടി:
കരൂരിന് പുറമെ പാലാ നഗരസഭയിലും വിമത ശല്യം രൂക്ഷമാണ്. ഇവിടെയും പാർട്ടി വിരുദ്ധ പ്രവർത്തനം നടത്തിയവർക്കെതിരെ നടപടി സ്വീകരിച്ചിട്ടുണ്ട്:
* പാലാ ടൗണിൽ കോൺഗ്രസ് വിമത സ്ഥാനാർത്ഥിയായി മത്സരിക്കുന്ന മായാ രാഹുലിനെയും, അവരുടെ ഭർത്താവ് രാഹുലിനെയും പാർട്ടിയിൽ നിന്നും പുറത്താക്കി.
* പതിനേഴാം വാർഡിൽ വിമത സ്ഥാനാർത്ഥിക്ക് വേണ്ടി പ്രചാരണം നടത്തിയതിന് മുൻ കൗൺസിലർ ലിസിക്കുട്ടി മാത്യുവിന്റെ ഭർത്താവ് മാത്തുക്കുട്ടിയെയും കോൺഗ്രസിൽ നിന്നും പുറത്താക്കിയിട്ടുണ്ട്.
എൽഡിഎഫ് നെ സഹായിക്കാൻ പോയ വിമതയെ കോൺഗ്രസ് പാർട്ടി പുറത്തക്കി.
കഴിഞ്ഞ നിയമസഭ ഇലക്ഷനിൽ യുഡിഎഫ് സ്ഥാനാർഥിയായി മത്സരിച്ച മാണി സി കാപ്പനെതിരെയും പ്രവർത്തിച്ചതായും അതോടൊപ്പം കഴിഞ്ഞ വർഷം നടന്ന ലോകസഭ ഇലക്ഷനിൽ ബിജെപി സ്ഥാനാർഥിക്ക് വേണ്ടി വോട്ട് അഭ്യർഥിച്ച് ബിജെപിക്കൊപ്പം നിന്ന് പ്രവർത്തിച്ചു എന്നുള്ള ആരോപണങ്ങളും അന്തിനാട്ടിലെ ഈ വിമത വനിത സ്ഥാനാർഥിക്കെതിരെ ഉയർന്നിരുന്നു . കഴിഞ്ഞ തവണ കൈപ്പത്തിയിൽ കോൺഗ്രസ് പ്രവർത്തകർ അരയും തലയും മുറുക്കി പ്രവർത്തിച്ച് വിജയിപ്പിച്ച ഇവർ പാർട്ടിയുമായി യാതൊരു ബന്ധവും ഇല്ലാത്ത തരത്തിലായിരുന്നു പിന്നീടുള്ള പ്രവർത്തനങ്ങൾ എന്ന് പ്രവർത്തകർ ആരോപിക്കുന്നു . ബഹുമാനപ്പെട്ട മുൻ മുഖ്യമന്ത്രി ഉമ്മൻ‌ചാണ്ടി മരിച്ചപ്പോളും പിന്നീട് അനുസ്മരണത്തിലൊ പങ്കെടുക്കാതെ പുഛിച്ച് നടന്നയാൾ ഉമ്മൻ‌ചാണ്ടിയുടെ ഫോട്ടോ ഉപയോഗിച്ച് നോട്ടീസിലും ഫ്ലെക്സിലും പ്രചാരണം നടത്തുന്നത് വ്യക്തമായ അജണ്ടയുടെ ഭാഗം ആണെന്നും 5 വർഷം യാതൊരു നേട്ടങ്ങളും ഇല്ലാതെ നടന്ന ഇവർ മാണി സി കാപ്പൻ നൽകിയ വിവിധ വികസന പ്രവർത്തന ഫണ്ടുകൾ തന്റെ ഫണ്ടാണ് എന്ന് ആൾക്കാരെ നോട്ടീസുകൾ വഴി തെറ്റി ധരിപ്പിക്കാൻ ശ്രെമം നടത്തുന്നുവെന്നും അതിനെതിരെ ഇലെക്ഷൻ കമ്മീഷന് പരാതി നൽകിയതായും യുഡിഎഫിനോട് അടുത്ത വൃത്തങ്ങൾ അറിയിച്ചു. എൽഡിഎഫ് സ്ഥാനാർഥിയുടെ കയ്യിൽ നിന്നും പണം വാങ്ങിയാണ് ഇവർ വിമത സ്ഥാനാർഥിയായതെന്നും അന്തിനാട് പെട്രോൾ പമ്പിന് തൊട്ടടുത്ത് ജനവാസ കേന്ദ്രത്തിൽ പടക്ക സംഭരണശാലക്ക് നിയമ വിരുദ്ധമായി ലൈസെൻസ് നൽകിയത് കഴിഞ്ഞ എൽഡിഎഫ്
കരൂർ പഞ്ചായത്ത് ഭരണ സമിതിയും വിമത വനിതാ മെമ്പറും പണം വാങ്ങി ഒത്താശ ചെയ്തിട്ടാനുള്ള ആരോപണങ്ങളും ഇവർക്കെതിരെ ഉയരുന്നുണ്ട്.
