സിപിഎം മുൻ എംഎൽഎ എസ്. രാജേന്ദ്രൻ ബിജെപിയിൽ ചേരുമെന്ന് ഔദ്യോഗിക പ്രഖ്യാപനം നടത്തി.

മൂന്നാർ: സിപിഎം മുൻ എംഎൽഎ എസ്. രാജേന്ദ്രൻ ബിജെപിയിൽ ചേരുമെന്ന് ഔദ്യോഗിക പ്രഖ്യാപനം നടത്തി. ബിജെപി നേതാക്കളുടെ സൗകര്യപ്രകാരം ഉടൻ മൂന്നാറിൽ നടക്കുന്ന ചടങ്ങിൽ പാർട്ടി പ്രവേശനം സംഭവിക്കുമെന്ന് അദ്ദേഹം വ്യക്തമാക്കി .കഴിഞ്ഞ തിരഞ്ഞെടുപ്പിൽ എൽഡിഎഫ് സ്ഥാനാർഥി എ. രാജയെ തോൽപിക്കാൻ ശ്രമിച്ചുവെന്ന ആരോപണത്തിൽ സിപിഎം രാജേന്ദ്രനെ സസ്പെൻഡ് ചെയ്തിരുന്നു. സസ്പെൻഷൻ കാലാവധി അവസാനിച്ചിട്ടും പാർട്ടിയിൽ തിരികെ പ്രവേശിപ്പിക്കാത്തതോടെ അദ്ദേഹം ഇടഞ്ഞുനിന്നു  ദേവികുളം നിയമസഭാ മണ്ഡലത്തിലെ പ്രമുഖ നേതാവായ രാജേന്ദ്രൻ 2006 മുതൽ സിപിഎം പ്രവർത്തകനായിരുന്നു

ബിജെപി നേതാക്കൾ രാജേന്ദ്രന്റെ വീട്ടിലെത്തി ചർച്ച നടത്തിയിരുന്നു, ഇത് പാർട്ടി പ്രവേശനത്തിന്റെ തീരുമാനത്തിന് വഴിയൊരുക്കി. മൂന്നാർ-ദേവികുളം മേഖലയിൽ ബിജെപിക്ക് പുതിയ ശക്തി പകരുന്ന സംഭവമാണിത്