നാല് സംസ്ഥാനങ്ങളെ ബന്ധിപ്പിച്ച് അമൃത് ഭാരത്; തിരുവനന്തപുരത്ത് നിന്ന് തെലങ്കാനയിലേക്ക് ഇനി വേഗത്തിൽ എത്താം.
നോർത്തിൽ (കൊച്ചുവേളി) നിന്ന് തെലങ്കാനയിലെ ചർളപ്പള്ളിയിലേക്ക് പുതിയ അമൃത് ഭാരത് എക്സ്പ്രസ് സർവീസ് ആരംഭിക്കുന്നു. സാധാരണക്കാർക്ക് കുറഞ്ഞ ചെലവിൽ വേഗത്തിലുള്ള യാത്ര ഉറപ്പാക്കുന്ന ഈ ട്രെയിൻ കേരളം, തമിഴ്നാട്, ആന്ധ്രാപ്രദേശ്, തെലങ്കാന എന്നീ സംസ്ഥാനങ്ങളെ തമ്മിൽ ബന്ധിപ്പിക്കുന്നു.
സർവീസ് വിവരങ്ങൾ (ട്രെയിൻ നമ്പർ: 17042/17041):
ആഴ്ചയിലൊരിക്കലാണ് ഈ ട്രെയിൻ സർവീസ് നടത്തുന്നത്. സതേൺ റെയിൽവേയ്ക്കാണ് ട്രെയിനിന്റെ പ്രവർത്തന ചുമതല.
* തിരുവനന്തപുരം നോർത്ത് – ചർളപ്പള്ളി (17042): എല്ലാ ബുധനാഴ്ചയും വൈകുന്നേരം 05:30-ന് തിരുവനന്തപുരം നോർത്തിൽ നിന്ന് പുറപ്പെട്ട് പിറ്റേന്ന് രാത്രി 11:30-ന് ചർളപ്പള്ളിയിൽ എത്തും.
* ചർളപ്പള്ളി – തിരുവനന്തപുരം നോർത്ത് (17041): എല്ലാ ചൊവ്വാഴ്ചയും രാവിലെ 07:15-ന് ചർളപ്പള്ളിയിൽ നിന്ന് പുറപ്പെട്ട് ബുധനാഴ്ച ഉച്ചയ്ക്ക് 02:45-ന് തിരുവനന്തപുരം നോർത്തിൽ എത്തും.
പ്രധാന സ്റ്റോപ്പുകൾ:
യാത്രയ്ക്കിടയിൽ 29 സ്റ്റേഷനുകളിലാണ് ട്രെയിൻ നിർത്തുന്നത്. കേരളത്തിലെ പ്രധാന സ്റ്റോപ്പുകൾ താഴെ പറയുന്നവയാണ്:
വർക്കല ശിവഗിരി, കൊല്ലം, കരുനാഗപ്പള്ളി, കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട്.
തമിഴ്നാട്ടിലെ കോയമ്പത്തൂർ, തിരുപ്പൂർ, ഈറോഡ്, സേലം, കട്പാടി എന്നിവിടങ്ങളിലും ആന്ധ്രയിലെ നെല്ലൂർ, ഓംഗോൾ, ഗുണ്ടൂർ എന്നിവടങ്ങളിലും ട്രെയിനിന് സ്റ്റോപ്പുകൾ ഉണ്ടാകും.
വിദ്യാർത്ഥികൾക്കും പ്രൊഫഷണലുകൾക്കും തീർത്ഥാടകർക്കും ഒരുപോലെ പ്രയോജനപ്പെടുന്ന ഈ സർവീസ്, ദക്ഷിണേന്ത്യയിലെ പ്രധാന സാമ്പത്തിക-സാംസ്കാരിക കേന്ദ്രങ്ങളെ തമ്മിൽ കുറഞ്ഞ ചെലവിൽ ബന്ധിപ്പിക്കുന്നു എന്നതാണ് ഇതിന്റെ പ്രത്യേകത. മികച്ച സൗകര്യങ്ങളോട് കൂടിയ അമൃത് ഭാരത് കോച്ചുകൾ സാധാരണക്കാരുടെ യാത്ര കൂടുതൽ സുഖകരമാക്കും.
