കൊൽക്കത്തയെ 2 റൺസിന് വീഴ്ത്തി ലക്നൗ പ്ലേഓഫിൽ

ക്യാപ്റ്റൻ ശ്രേയസ് അയ്യരുടെ അർധസെഞ്ചറിക്കും, റിങ്കു സിങ് (15 പന്തിൽ 40), സുനിൽ നരെയ്ൻ (7 പന്തിൽ 21*) എന്നിവരുടെ പോരാട്ടവീര്യത്തിനും കൊൽക്കത്തയെ രക്ഷിക്കാനായില്ല. ലക്നൗവിനെതിരെ രണ്ടു റൺസിന് തോറ്റതോടെ കൊൽക്കത്ത ഐപിഎൽനിന്നു പുറത്തായി. ജയത്തോടെ ലക്നൗ പ്ലേഓഫിലെത്തി. ലക്നൗ ഉയർത്തിയ 211 റൺസ് വിജയലക്ഷ്യം പിന്തുടർന്ന കൊൽക്കത്തയുടെ ഇന്നിങ്സ് 20 ഓവറിൽ എട്ടു വിക്കറ്റ് നഷ്ടത്തിൽ 208 റൺസിൽ അവസാനിച്ചു.