കല്ലാംകുഴി ഇരട്ടക്കൊല; 25 പ്രതികള്ക്കും ജീവപര്യന്തം
പാലക്കാട്,മണ്ണാര്ക്കാട് കല്ലാംകുഴി ഇരട്ടകൊലക്കേസില് 25 പ്രതികള്ക്കും ജീവപര്യന്തം തടവും 50,000 രൂപ പിഴയും ശിക്ഷ. പാലക്കാട് അഡിഷനല് ജില്ലാ കോടതിയാണ് വിധി പ്രഖ്യാപിച്ചത്. 2013 നവംബര് 21നു സിപിഎം പ്രവര്ത്തകരായ പള്ളത്ത് നൂറുദ്ദീനേയും (40),സഹോദരന് ഹംസയേയും (കുഞ്ഞുഹംസ 45)കൊല്ലപ്പെടുത്തിയ കേസിലാണു പ്രതികള് കുറ്റക്കാരെന്നു വിധിച്ചത്.ചേലോട്ടില് സി എം സിദ്ദിഖാണ് ഒന്നാം പ്രതി. നാലാം പ്രതി ഹംസപ്പ വിചാരണക്കിടെ മരിച്ചിരുന്നു. പ്രതിപ്പട്ടികയില് ഉള്പ്പെട്ട ഒരാള്ക്കു കൊലപാതകം നടക്കുമ്പോള് പ്രായപൂര്ത്തിയായിരുന്നില്ല.
2013 നവംബര് 20ന് രാത്രി ഒമ്പതുമണിയോടെ മാരകായുധങ്ങളുമായെത്തിയ സംഘം കുഞ്ഞുഹംസയെയും നൂറുദ്ദീനെയും വെട്ടിക്കൊലപ്പെടുത്തുകയായിരുന്നു. രാഷ്ട്രീയ, വ്യക്തിവിരോധവും ഇരുവിഭാഗങ്ങള് തമ്മിലുള്ള സംഘര്ഷവുമാണു കൊലപാതകത്തിനു കാരണമായതെന്നു കുറ്റപത്രത്തില് പറയുന്നു.
