നഴ്‌സുമാരുടെ സെക്രട്ടേറിയറ്റ് മാര്‍ച്ച് ഇന്ന്
വിവിധ ആവശ്യങ്ങള്‍ ഉന്നയിച്ച് കേരള ഗവ. നഴ്‌സസ് അസോസിയേഷന്‍റെ (കെജിഎന്‍എ) നേതൃത്വത്തില്‍ നഴ്‌സുമാര്‍ ഇന്നു രാവിലെ 11ന് സെക്രട്ടറിയേറ്റ് മാര്‍ച്ച് നടത്തും. സിഐടിയു സംസ്ഥാന പ്രസിഡന്‍റ് ആനത്തലവട്ടം ആനന്ദന്‍ ഉദ്ഘാടനം ചെയ്യും.
സേവന മേഖലകളെ തകര്‍ക്കുന്ന കേന്ദ്ര സര്‍ക്കാര്‍ നയങ്ങള്‍ തിരുത്തുക, ജനപക്ഷ ബദല്‍ വികസന നയങ്ങള്‍ ശക്തിപ്പെടുത്തുക, താത്കാലിക നഴ്‌സുമാരുടെ സേവന വേതന വ്യവസ്ഥകള്‍ ഏകീകരിക്കുക, കിടത്തി ചികിത്സയുള്ള എല്ലാ ആശുപത്രികളിലും എട്ടു മണിക്കൂര്‍ ജോലി നടപ്പാക്കുക തുടങ്ങിയ ആവശ്യങ്ങൾ ഉന്നയിച്ചാണ് മാര്‍ച്ച്.
